Tuesday, October 27, 2015

تورکمنستانینگ 91 یاشی قوتلی بولسون!



تورکمنستان جمهورییتی نینگ 91 یاشئ قوتلئ بولسون!


 اینها یئنه شانلی شؤهراتلی 27-نجی اوکتابر گونی گلیپ یتدی. تورکمن حالقی هر ئیلدا بولوشی یالئ بو ئیل هم اؤز ملی دؤلتلری نینگ قولوش گونونی تویس یورکدن قوتلایارلار. باریپ 1925-نجی یئلینگ مای آیئندا تورکمنستان دولتی نینگ قوریجی لار گنگشی نینگ مجلیسینده تریبونا گچیپ تورکمنستان دولتی نینگ قورولاندیغنی، موندان بئیلأک داغنیق یاشایان و قونگشی حان-بگلرینه تابین ادیلن بوتین تورکمنلرینگ بیر دولتینگ سایاسیندا یاشاجاقدیقلارین دولاندیریش (اجرائیه) کامیته تی نینگ باشلیغی، تورکمنستانینگ ایلکینجی پره زیدنتی ندیربای آیتاکوف و اوندان سونگرا تریبونا گچن حالق کامیسارلار شوراسی نینگ باشلیغی قایغیسیز آتابایف بویسانچ بیلن ایغلان اتدیلر. شول شانلی دابارا شایات بولماق اوچین بوتین اورسیت یاشولوسی آتلاندیریلان میخائیل کالنین هم آشغابادا گلیپدی.
شوروی دؤورینده تورکمنستان علمدا- تخنیکادا، صناغات هم اوبا حوجالقدا پوداقلاریندا، مدنییتده هم صونغات ده ماخلاصی جمغیتچیلیگینگ أهلی پوداقلاریندا ایزا قالدیریلان کلونیالیستیک دؤریندن اؤزونه ماخصوص آیغیتلی أدیملر بیلن اؤسوشلر قازانیپ گلدی. یؤنه ظالیم توتالیتار رژیم، ایلایتادا روس شوونیسمینی هم آقالیغینی بوتین سایوز رسپوبلیکالاردا برکیتمک ایسله یأن آشا گویچلر ملی کادرلاری یوق اتدیلر، الیپ- بیمیزی لاتینچادان کریلچأ اؤیتگتدیلر، یاد- بیگانه منتالیتـتی آنگیمیزا اوتورماق اوغروندا یوقاردا آغزالان اؤسوش یولومیزا بؤوت سالدیلار، باداق آتدیلار. هرنأ بو توتالیتار دوزگون دونیا جمعیتچیلیک سیستماسی بیلن اوغورداش گیدیپ بیلمأنی 1990- نجی یئلدان دارغاپ باشلادی. انچمه غوغالاری باشدان گچیرن تورکمنستان و اونونگ شول واقتقی کامونیستیک پارتیاسی نینگ بیرینیجی سکره تاری ساپارمئرات نیازوف یوردونگ قاراشسیز بولاندیغینی- حاص دوغروسی ماسکوانینگ اؤزلرینده ال چکیندیگینی ایقرار اتملی بولدی.
تورکمنستان اؤزونگ شو گچن 25 یئلینگ دووامینداقی قاراشسیزلیق یئللاریندا دینگه نفت- گاز و بئیله کی ملی بایلیقلارینگ ساتیلماغیندان غازانیلیان پولا بیل باغلاپ تأزه بینالار قوردوردی، اینفروستوروکتانی مدرن لشدیریپ گلیأر. تورکمنیستانینگ داشارقی دولت لره و بانکلارا برگیلری اورتا حال یاغدایلاری ایلاتینگ دورموشینا اونگایسیز تأثیر ادیپ گلیأر (بو بورچلارینگ مؤچبری ایغلان ادیله نوق)
قاراشسیزلیق یئللاریندا اوزالقی قازانیلان اؤسوشلرینگ اوستونه آتاناق چکیلدی و اونونگ یرینه شاخصییت کولتی بارها یایرادی. نیازوفی و اونونگ یرینه اوتوردیلان بردی محمدوفی آدامزات گویجوندن آشا، حودای طاراپیین ایبریلن یؤریته آداملار درجه سینه یتیریلدی و یتیریلیپ گلینیأر. یورتدا یکجه ده ارکین مطبوغاتا یول بریله نوق، رادیو- تلویزیون دینگه بیر آدامینگ- یاغنی پره زیدنتینگ اؤووگی آیناسینا گتیریلدی. آدام حقوقلاری بویونچا حالقارا قورامالارینا، تورکمنستانینگ تورمه سینده آغیر شرطلرده اوتوران بندی لر بیلن دوشوشماغا یول بریله نوق. تورکمنستانا حتی گؤروم- گؤروشه بارماق اوچین برک ویزا رژیمی بار، داشاری یورتلاردا یاشایان تورکمنلره اؤز آتا واطانلارینا بارماغا ممکینچیلیک بریله نوق. دینگه رژیمی اؤویپ، انگلیپ پره زیدنتینگ آیاغینی اوغشایانلارا یوردا بارماق میسر ادیأر.
تورکمن حالقی دیکتاتورچیلیق المنتلری هم دوزگونی بیلن یاد حالق دیر. اولار هر بیر اولی یا کیچی ایشی ماصلاحات، گنگش یا قورولتای مجلیسلرینده حالقینگ وکیللری نینگ قاتناشماغیندا چؤزوپ گلندیرلر. تورکمن حالقی کله سی گیسته ده آیتجاق سؤزونی آیدیپ بیلن باتیر هم ادرمن حالق دیر. تورکمنلر ده بوتین حالق وکیللری نینگ قاتناشماغیندا یولباشچی سایلانیپ گلنندیر. شونگا تورکمنستان جهمورییتی دمکراتیا و آدام حقوقلاری نورمالاری بویونچا حالقارا درجه سینده بارحا پسلیأن اورنونی، ییتیپ باریان آبراینی دیکلتمک اوچین حایال اتمأن:
1-      سیاسی بندی لری آزاد اتملی
2-      سؤز و مطبوغات آزاتلیغنی نینگ دابارالانماغینا بؤوت دؤره تملی دأل.
3-      ارکین سیاسی پارتیالارینگ و قورامالارینگ دؤروه دیلملی
4-      حالقارا گؤزگچیلرینگ هم سینچی لارینگ غاتناشماغیندا ارکانا سایلاولارینگ گچیریلمگینه یول برملی
5-      انسان حقوقلارین چأکلندیریأن کانیستیتوسیانینگ کأبیر ماده لارینا دوزه دیشلر گیریزملی.
بیز شو پرصات پئدالانیپ، تورکمن حالقی نینگ شان شؤهراتینی عارشا گؤترن، ملی دؤولت قورماق اوغروندا گؤرشلرن اولی سردارلاریمیز قیات حانلارا، نوربردی حانلارا، قاوشیت حانلارا، جونید حان لارا، آتابایف دیر آیتاکوفلارا آق یورکدن آلقیش آیدیپ، اولارینگ حالقینگ یوره گینده ابدی یاشاجاقدیقلارینا اینانیاریس. قهرمانلاریمیزینگ، گرچگ باتیرلاریمیزینگ قانی بیلن بویالان تورکمن توپراغیندا عادالاتلی لیغینگ و دمکراتیانینگ بایداغی نینگ المیداما پارلاجاغینا اینیانیاریاریس و بوتین شهیدلریمیزه روحونونگ اؤنوگونده باش اگیپ ملی واطانمیزینگ گویچلنمگی و برکیمگی یولوندا بیلیمیزینگ برک قوشالغیدیغینی بادلی سس بیلن دونیا جار ادیأریس.
یاشاسین تورکمن حالقی
بارحا برکه سین تورکمنستان جمهورییتی.    

آ.گلی
27 اکتبر 2015

No comments:

Post a Comment