Sunday, April 17, 2011

واطانینگ ارکینلیگی اوغرونداقی گؤرش تاریخیندان

قـیـات حـان


    واطانینگ ارکینلیگی اوغروندا حازاریـاقـا توركمنلری نینگ
بللی یولباشچیسی نینگ گــؤرشی و اونونگ آجی تأله یــی

یموت توركمنلری نینگ جافاربای تیره سی نینگ نــورالی شاخه سی نینگ «اسنقـولی كــؤر» بؤله گیندن بولان قیات، تاقمین ۱۷۵۰- نجی یئللاریندا دمیرچی اوستانینگ ماشغالاسیندا دونیأ اینیأر. یاشلیقدا قیاتینگ اؤزی- ده دمیرچیلیك ادیپدیر. قیات حان اؤز زاماناسی نینگ دوشونجه لی آدامسی بولوپدیر. اونونگ اوغوللاری یاغشی محمد و قـدیرمحمد (كأیرده اول خدر، خدرمحمد دییپ هم آغزاپدیرلار) هم ادیل آتالاری یالی ایل حالار آدملار بولوپ یتـیـشیـپدیرلر. قـیات حانـیـنگ نبـیره لریندن لألـی حان(حان یـموت) ۱۹۲۴- نجی یئلدا عـثمان آخونینگ جمهوریت قورماق اوغرونداقی حركتینه قوشولیپ، كومیش دپه ده، تورکیه لی افسرلر- « یـــاش تــورك» انقلابچیلاری بیلن بیله لیكده حاربی تعلیم بریأن مكتب آچیپ اونگا یولباشچیلیق ادیپدیر. شونینگ یالی- دا بللی حقوقچی- یوریست عالیم حان یموت (نیکولای یمودسکی) و تورکمنیستانینگ مشهور آکادمیکی، لنین بایراغی نینگ ایه سی قاراش حان یمودسکی شو ماشغالادان دیر. حان یموت گورگن تورکمنلری نینگ ارکینلیگی اوغروینداقی عثمان آخونینگ حرکتینه اؤز قوشاندینی قوشوپدیر. قیات حانینگ آغـتیق چاولیقلاری هم سوادلی آدملار بولوپ یتیشیپدیر. ایران شاسی حازار دنگزی نینگ یاقالاریندا یاشایان توركمنلرینگ آراسیندا قیادینگ اولی آبرایی نینگ باردیغینی بیلیپ، ۱۸۲۰- نجی یئللاردا اونی اؤز طاراپـینا چكمأگه سینانشیـپدیر. شاه، قیادا حانلیق درجه سینی وعـده بریپ، اگر اول اؤزونینگ اورسئیده بار بولان قارایشینی اویتگه دیپ، توركمنلرینگ آراسیندا اورسئیدینگ تأثیری نینگ یایراماغی نینگ اؤنگونی آلماغا یاردام اتسه، اؤزونینگ(شانینگ) اونگا آرقا دورجاقدیغینی آیدیپدیر هم- ده اگر قیات شو تكلیبی قبول ادمسه اؤلوم جزاسینی برجكدیگی بیلن اونگا حایبات آتیپدیر. اما قیات ایران شاسی نینگ بو وعده لارینا آلدانماندیر، اونونگ حایـباتلاریندان قورقماندیر.

حأضیر توركمنصحرانینگ كومیش دپه، بندرتركمن و گنبدقابوس یالی شهرلرینده قیات حانینگ نبـیره لری قیادی فامیلی بیلن یاشایارلار. اولاردان كأبیرلری ایرانده ملی-آزاد ادیش حركتلره قاتناشیپ، آتا- بابالاری نینگ كسبینی دوام اتدیردیلر و اتدیریپ گلیأرلر.
حاص دولوسی (Download now) دیین یره کلیک ادینگ 

No comments:

Post a Comment