Wednesday, February 15, 2012


دؤرت دۆرلی موقام

بار زاتلار دیللنیأر، بار زات غیغیریار،
آی اوغلان! توماجا غوشغی، غوش غوشغی.
چاغالانگ گؤزلری زارین سؤزله یأر،
موغاللیم ماغتیما غوشسانا غوشغی.

انه لر، آتالار هرگون کأن گزک،
غاهریمان ییگیتلر گونده اون گزک،
طواق مأتدیر، سؤیون، دؤرت آرقا داغا،
شیرتوماچ، شیر ماغتیم، دؤرت میوه باغا.

"غوش" دییدی چال ساچی آغاران بابا،
"غوش" دییدی دؤرت یاشلی دۆشۆنن چاغا.
یؤنه شئیله بیر قودراتلی، شئیله بیر تأمیز
سؤزلنگ قاوسینی تاپاموق هنیز.

آرمان، گؤرینسه دیم بیر غوشغی باشلاپ،
"غوشدوم، غوشدوم" دییپ حالقیما بووشلاپ،
انتک گزیپ یؤرین دوداغیمی دیشلأپ،
یؤنه هیچ گزه موق غالامیمی تاشلاپ.

شئیله بیر غوشغینگ غوشماسی آغیر،
ناحاق غان غاتی کأن، ادیلن جبـیـر،
غالاما ال اورسام ساندیراپ باغیر،
                                  دییأر:              
"غوشما، یوغور،یوغور، بیر انتک یوغور".

بو غوشغینگ بندینی بئیله کیلر ده ک،
 غیسغاچا، غیسغاچا بوغمارسینگ آخیر.  

دؤرت یئلاپ دؤرت بندی یوغورسا یؤره ک
دؤرت سانی پرزندی دوغورسا یؤره ک
اوندا- دا دؤرتلرینگ گۆیجۆنه دره ک،
بیرسی هم میناسیپ بولماسا گره ک.

سبأبی دؤرتلرینگ دؤردی بیر غوشغی،
سبأبی دؤرتلرینگ یولی بیر غوشغی،
سبأبی دؤرتلرینگ ایشی بیر غوشغی،
سبأبی دؤرتلرینگ گۆیجی بیر غوشغی.

دؤرتلرینگ آدینا دؤرت دۆرلی موقام،
بیری شورا موقام، بیری یر موقام،
بیری بوغدای، بیری چؤل موقام،
هر موقامدا یاتیر مونگ دورلی کلام.

نیره دن باشلاجاق، نیرده غوتارجاق؟
یوق، بو غوتارماز مۆنگلرچه یئلار،
دۆنیأنینگ یۆزیندن انسانینگ عؤمری
کسیلیأنچأ- ده غوشغی آیتسا دیللر.

اوندا- دا غوتارماز، بو غوشغی اوزین،
یئل بوئی، یاز، توموس، غیشدا هم گۆیزین.

مونگلرچه سازاندا دؤرتسه موقام،
مۆنگلرچه یازیجی دؤرتسه درام،
اینگ سونگی بیر بها برمه گینگ گرک،
یؤنه بولا بیلمز دؤرتلره دره ک.

سبأبی دؤرتلرینگ دؤرت دۆرلی آدی،
دؤرت یاشلی قیزلارینگ لأله سینده بار،
دؤرت یاشلی اوغلول لانگ دۆنیأسینده بار،
سبأبی دؤرتلرینگ دؤرت قهرمان آدی،
قهرمان ییگیتلنگ غورساغیندا بار،
چال ساچلی آتالانگ، غارری انه لنگ،
یئغـریق- یئغـریق آتان مانگلایئندا بار.

شایاتـدیر دایخانینگ اپیلن بیلی،
شایاتـدیر ایشچی نینگ غاباران غـولی،
شایاتـدیر دأنه سی بوی آلان چؤللر،
شایاتـدیر نالاسین چکن جنگل لر.

شایاتـدیر داغلارینگ چشمه سی، جاری،
شایاتـدیر آسمانینگ یئلدیزی، آیی،
آصلا، بار زاتلانگ کسیلیپ تاری،
دؤرت دۆرلی موقاما غوشولسا باری.

          صحرأنگ شاهیری
غیش 1358


No comments:

Post a Comment